Omsendbrief 9
Omsendbrief 9/2010 10 Februarie 2010
Geagte Ouers
“MY SCHOOL”-PROJEK 2010
Dit is met groot opgewondenheid dat ons vandag weer eens die “My School”-projek aan u bekend stel. Dit is regtig baie eenvoudig en kan duisende rande vir die skool inbring as dit reg gebruik word. Al wat u moet doen, is om die kaartjie by deelnemende winkels te toon en ‘n persentasie van u aankope word dan aan ons skool toegewys.
Daar is reeds baie van ons ouers wat aan hierdie projek deelneem. U ontvang gereeld korrespondensie van “My School” om die bykomende besighede aan u bekend te stel. Soos u sal sien, is daar reeds baie deelnemende winkels en besighede in ons dorp soos, o.a. Woolworths.
U sal met ons saamstem dat dit ‘n wonderlike projek is. Daar is geen administrasie van die skool se kant af wat onderwysers se onderrigtyd in beslag neem nie. Die skool ontvang net elke maand ’n bedrag geld! Dit is verblydend dat besighede aan projekte soos dié deelneem, sodat die finansiële las op skole verlig kan word.
Vergewis uself van die deelnemende besighede en gebruik die “My School”-kaartjie daar asseblief. Ons sal u op hoogte hou van die geld wat ontvang is en waarvoor dit gebruik is. Ondersteun asseblief hierdie projek – u kind gaan daarby baat.
|
Gr. 4 |
Vul asseblief die meegaande vorm in en stuur dit teen Woensdag 24 Februarie terug skool toe, vir aandag: Mev. M. Kleinhans |
|
Gr. 5, 6 en 7 |
U behoort reeds ‘n kaart te hê, maar indien u ‘n vorm benodig, vra u kind om een by mev. Kleinhans te kom haal asseblief. |
Vriendelike groete
(Mev.) M. Kleinhans J.C. Swart
BEMARKING SKOOLHOOF