Omsendbrief 16

Omsendbrief 16/2008 24 April 2008

Geagte Ouers

“GETAHEAD”

Wil u graag vir u kind ‘n voorsprong gee? Somtyds kom daar aanbiedinge oor ons pad wat ons nie kan ignoreer nie. Hierdie projek is so ‘n oulike aanbod dat ons dit graag met u wil deel. Dit bestaan uit ‘n CD met die spesifieke graad se leerareas daarop. Dit kan gebruik word vir hersiening, asook verryking. Ons skool beskou dit as aanvullend tot die kurrikulum.

Die brief van die verskaffers is agterop gedruk, maar van die skool se kant af wil ons graag die volgende detail aan u deurgee:

	EvaluNet is een van ons land se vooraanstaande ontwikkelaars van opvoedkundige sagteware.
	Die produk word goedkoper deur ons as in die winkels verskaf.
	Die pragtige gekleurde brosjure gee aan u al die inligting deur wat u moet weet.
	Dis baie maklik om te gebruik. Deesdae is ons kinders so rekenaarvaardig, hulle kan op hulle eie werk.
	Soos u op die vorm agterop kan sien, is dit baie maklik om te bestel.
	Plaas net die voltooide bestelvorm, tesame met die betaling, in ‘n koevert en stuur dit terug aan die klasonderwyser. Die produkte word by die skool afgelewer. U ontvang dit sodra dit afgelewer word.

Vriendelik die uwe

(Mev.) M. Kleinhans J.C. Swart

BEMARKING SKOOLHOOF