Omsendbrief 22:

Omsendbrief 22/2010                                                                                                     20 April 2010

Geagte Ouer

DATUMVERANDERINGS : SPORT EN KULTUUR

SPORT

Met die wêreld se grootste sportgebeurtenis wat vanaf 11 Junie 2010 tot 11 Julie 2010 in Suid-Afrika gaan plaasvind, verg buitengewone omstandighede (buitengewone lang vakansie) buitengewone beplanning.

Die sportprogram van die tweede kwartaal eindig op Saterdag 29 Mei met ‘n rugbywedstryd teen Laer Seunskool Paarl (Boishaai).  Ander sportkodes word voor die tyd afgehandel aangesien wedstryde op weeksdae plaasvind (sportdae uitgesluit).  Maandag 31 Mei 2010 begin die leerlinge met hul Junie-eksamen.  Daar is besluit dat geen sport- of kultuuroefeninge tydens die eksamen sal plaasvind nie.  Hierdie besluit bring mee dat die leerlinge vir 7 weke geen fisiese oefening sal hê nie aangesien die vakansie reeds op 9 Junie 2010 begin en die skool eers weer op 13 Julie 2010 open (eksamen wat 2 weke duur en die vakansie wat 5 weke lank is).

Met bogenoemde in gedagte het ons as sportafrigters gevoel dat ons reeds aan die einde van die vakansie met sportoefeninge wil begin aangesien ons reeds aan die einde van die eerste week van die derde kwartaal (17 Julie 2010) wedstryde teen Paarl Gimnasium het.  Dit is dus van die uiterste belang dat ons vroeg met ons oefeninge moet begin.

Die volgende datums is van belang:

• Donderdag 8 Julie 2010

• Vrydag 9 Julie 2010

• Maandag 12 Julie 2010

‘n Volledige program van die oefentye sal te gelegener tyd aan u deurgegee word.  Die normale sportprogram sal vanaf Woensdag 14 Julie 2010 gevolg word.

Maak asseblief ook seker dat u die Gene Louw-sportdag van 1 Mei 2010 in u dagboek aanteken.  Dit is per ongeluk op sommige skrywes uitgelaat.

KULTUUR

Die jaarprogram vir 2010 is reeds in November 2009 gefinaliseer.  Sekere datums het a.g.v. redes buite ons beheer verander en wil ons die datums graag aan u deurgee vir u beplanning:

Tweede kwartaal

• 29 April             -           Kooroptrede by Hoërskool Durbanville

• 6 Mei                -           Kooroptrede by Gene Louw

• 11 Mei              -           Kooroptrede by Tygerberg Eisteddfod

• 19 Mei              -           Kooroptrede by Stellenbosch (14:00-19:00)

• 22 Mei              -           Ma- en dogteroggend

Derde kwartaal

• 12 Julie             -           Toneelgroepoefening (Engels en Afrikaans)

• 23 Julie             -           Koorkamp

• 24 Julie             -           Koorkamp (sonder rugbyspelers)

• 26 Julie             -           Sangeisteddfod (Biblioteek van Laerskool Durbanville)

• 30 Julie             -           ATKV Applous GEKANSELLEER

ALGEMEEN

Ons wil u as ouers vra om die nodige veranderings op u beplanning aan te bring en wil ons ‘n vriendelike versoek tot u rig om u kinders te ondersteun met hul verskillende aktiwiteite.  Die kinders waardeer u teenwoordigheid by hul sport- en kultuuroptredes.

Vriendelik die uwe

A. Winterbach                                                               J.C. Swart

DEPARTEMENTSHOOF : SPORT                                  SKOOLHOOF