Omsendbrief 20:

Omsendbrief 20/2010                                                                                                     15 April 2010

Geagte Ouers/Voogde

CONQUESTA 2010 MEERVOUDIGE KEUSEVRAE OLIMPIADES – GR. 4, 5, 6 EN 7

U kind, wat tans een van die leerders van ons skool is, word genooi om deel te neem aan die Conquesta 2010 Olimpiades vir Laerskole.  Conquesta bied nou vir die dertiende jaar ‘n professionele olimpiadediens aan skole oral in Suid-Afrika, Namibië en Botswana, en volg ook die nuwe onderwysbeleid, wat tans in skole dwarsoor die land in gebruik geneem word.  Die vakke wat gedek word, is gebaseer op Uitkomsgebaseerde Onderrig (UGO) en verseker dat al die uitkomste en vaardighede deur die vraestelle gedek word.  Die olimpiades sal nie inmeng met die skoolkurrikulum of –eksamens nie.

Leerlinge kan aan ‘n maksimum van vier van die olimpiades deelneem.  Olimpiades word gedurende die derde kwartaal by die skool onder die toesig van die skool se opvoeders geskryf.

Neem asseblief daarvan kennis dat elke leerder wat deelneem, erkenning sal ontvang – ‘n pragtige kleur gedrukte sertifikaat volgens sy/haar prestasie soos hieronder uiteengesit:  Alle leerders wat tussen 50% en 100% in enige vak behaal, se persentasie sal op sy/haar sertifikaat verskyn langs die vak waarin dit behaal is, bv.:

Wiskunde : Diamant (79%)

Tesame met die sertifikate sal die skool ook ‘n alfabetiese lys van die deelnemende leerders en hul grade (tesame met hulle punte behaal) ontvang, indien hulle dit wil hou vir hulle rekords.

Aangesien alle leerders nie akademies ewe sterk is nie, bied Conquesta hulle die geleentheid om te presteer volgens sy/haar eie vermoë en erkenning daarvoor, hoe gering ook al, te ontvang.  As u graag vorige vraestelle, vir verrykingsoefening, wil bestel, kontak Conquesta per telefoon:  (031) 764-1972.

Indien u sou belang stel om u kind aan die Conquesta 2010 te laat deelneem, voltooi asseblief die onderstaande vorm en stuur dit terug aan die skool in ‘n koevert wat duidelik gemerk is “CONQUESTA-INSKRYWING” tesame met die nodige gelde voor of op 22 April 2010.

Vriendelik die uwe

(Mev.) L. Bester                                                             J.C. Swart

KURRIKULUMLEIER                                                     SKOOLHOOF

CONQUESTA 2010 MEERVOUDIGE KEUSEVRAE OLIMPIADES – GR. 4, 5, 6 EN 7

Neem asseblief kennis dat leerders vir een of meer (maksimum 4) olimpiades kan inskryf.

VOLLE NAAM:  ………………………………………………………….            GR.:  ……………………

Plaas ‘n X in die blokkies van u keuse en voltooi asseblief ook die inskrywingsfooikolom.

VOORBEELD:

Sou u kind dus vir 4 vakke inskryf, sal hy/sy R42,00 moet betaal:

R8,00 x 4          =          R32,00

                        +          R10,00

                        =          R42,00

** Sedert 2009 is sekere vakke se vraestelle slegs in Engels beskikbaar.

TJEKS BETAALBAAR AAN:  LAERSKOOL DURBANVILLE