Omsendbrief 24/2008                                                                                  24 Julie 2008

Geagte Ouer/Voog

SKAKELING MET SKOOL

Dit is vir die Laerskool Durbanville baie belangrik dat daar goeie skakeling tussen  ouers en die skool sal wees (talle omsendskrywes, kwartaalprogramme, SMS-fasiliteit, ens. is ‘n bewys hiervan) en ons wil dit graag bevorder.  Dit het egter tot ons aandag gekom dat daar ouers is wat gedurende die skooldag direk na die klaskamer van onderwysers gaan om met die onderwysers te skakel.  Die onderwysers is besig met onderrig en mag nie gedurende die skooldag aandag aan afsprake en besoeke gee indien ‘n afspraak nie gemaak is nie.  Dit geskied slegs in hul vryperiodes/adminperiodes.

Ons versoek u vriendelik om ‘n afspraak met die klasonderwyser deur die sekretaresse te maak en nie slegs by die klas op te daag nie.

Alle ouers moet ook eers by die sekretaresse, mev. Jooste, aanmeld voordat u die skool betree.  Indien u wel toegelaat word om in die skool te beweeg, moet u eers ‘n besoekerskaartjie van die sekretaresse ontvang.  Hierdie maatreël is ingestel om te verseker dat daar toegangbeheer tot die skool is, vir sekuriteitsdoeleindes en om die veiligheid van u seun/dogter te verseker.

U samewerking in hierdie verband sal baie waardeer word.

Vriendelik die uwe

C.J. Fourie                                                                 J.C. Swart

ADJUNKHOOF                                                        SKOOLHOOF