Omsendbrief 18:

Omsendbrief 18/2010                                                                                                     25 Maart 2010

Geagte Ouer

MOTORHEK BY PARKEERTERREIN / KLOKTYE / LEERDERKONTROLE

1.                   MOTORHEK BY PARKEERTERREIN

Daar word tans ‘n nuwe elektroniese motorhek by die toegangspunt na die parkeerterrein van die personeel opgerig ter wille van groter sekuriteit en veiligheid vir almal.

Hierdie toegangshek sal dus nie meer in die oggend of na skool deur die leerders en ouers gebruik kan word vir die aflaai/optel van leerders nie.

Ons versoek diegene wat dit in die verlede gebruik het om liewer in die toekoms die toegangshek op die kerk se parkeerterrein te gebruik.

Ons vertrou dat u dit so in orde sal vind.

2.                   KLOKTYE

Die eerste klok lui om 07:30.  Hierdie klok dui vir die skolierpatrollie aan dat hulle na hulle dienspunte in Weyers- en Van der Byllaan moet beweeg.  Laerskool Durbanville se skooldag neem elke dag om 07:55 ‘n aanvang en leerders tree aan na hierdie klok.  ‘n Tweede klok lui om 07:57 wat aandui dat die leerders na hulle klasse moet instap.  Ouers word daarop gewys dat die klok elektronies werk en die akkuraatheid deur die kragvoorsiening beïnvloed mag word.

3.                   LEERDERKONTROLE

Die WKOD vereis dat die teenwoordigheid van leerders daagliks gekontroleer word.  Om hierdie rede kontroleer die hoofleiers soggens of leerders betyds opdaag vir skool om te bepaal of daar ‘n patroon by sekere leerders ontstaan.  Die hoofleiers sal daagliks vanaf 08:00 leerders wat laat opdaag vir skool, se name aanteken om aan die WKOD-vereiste te voldoen.

Vriendelik die uwe

C.J. Fourie                                                                    J.C. Swart

ADJUNKHOOF                                                              SKOOLHOOF