Omsendbrief 16:

Omsendbrief 16/2010                                                                                              15 Maart 2010

Geagte Ouer

VELDTOG OM MASELS EN POLIO UIT TE ROEI

Beamptes van die Nasionale Departement van Gesondheid sal die skool op Woensdag 14 April 2010 besoek om die leerders teen masels en polio te immuniseer.  Lees asseblief die aangehegte inligtingsbrief in dié verband.

Dit bly egter u as ouer se keuse om te bepaal of u kind ingeënt gaan word, al dan nie.  Ons versoek u dus vriendelik om die aangehegte inligtingstuk te lees en die afskeurstrokie voor of op Vrydag 19 Maart 2010 aan die skool terug te stuur sodat ons die nodige reëlings kan tref.

Indien u nie toestemming wil verleen nie, kan u slegs u kind se naam op die antwoordstrokie invul en ‘n streep daardeur trek.  Ons kan dan sodoende verseker dat alle ouers hierdie brief ter insae gehad het.

Vriendelik die uwe

C.J. Fourie                                                                 J.C. Swart

ADJUNKHOOF                                                        SKOOLHOOF