Omsendbrief 20/2008                                                                                  30 April 2008

Geagte Ouer

HEMELVAART/PINKSTER

Hemelvaart val vanjaar op 1 Mei, wat ‘n publieke vakansiedag (Werkersdag) is.  Ons skool het besluit om hierdie Christelike feesdag met ‘n spesiale kinderdiens op Maandag 5 Mei 2008 te vier.  Hiermee neem die Kinderpinksterweek van  5 Mei tot 9 Mei ‘n aanvang.  Ons JOT-onderwysers sal Afrikaanse en Engelse boodskappe (saalbyeenkomste) in hierdie tydperk aan die leerders bring.

Graag wil ons ouers die geleentheid bied om Pinkster-geleenthede by hul onderskeie gemeentes by te woon.  Die kooroefening van Donderdag 8 Mei 2008 se tyd is dus ook aangepas van 17:30-18:45.

Laer- en hoërskole in die Durbanville-omgewing handhaaf (met geringe eiesoortige wysigings) tans dieselfde beskouing en praktyk.

Mag u as gesin ‘n geseënde Pinkster 2008 beleef!

Vriendelike groete

(Mev.) H. du Toit                                                        J.C. Swart

KOöRDINEERDER                                                            SKOOLHOOF