Omsendbrief 14
Omsendbrief 14/2010 9 Maart 2010
Geagte Ouers
DIE REGULASIE VAN GEDEELTELIKE OF VOLLEDIGE KWYTSKELDING IN PUBLIEKE SKOLE
Hiermee word u deur die skoolhoof en Beheerliggaam ingelig van die inhoud en proses van gedeeltelike of volledige vrystelling, wat as ‘n regulasie gepubliseer is in ‘n Staatskoerant Nr. 29311 van 18 Oktober 2006. volume 496. ‘n Kopie van hierdie regulasies is ter insae by die skool se finansiële kantoor beskikbaar.
1. SKOOLGELDE
Gedurende ‘n begrotingsvergadering wat op 9 November 2009 gehou is, is daar deur die ouergemeenskap besluit dat die skoolgelde R8 850 per jaar sal bedra vir 2010. Hierdie bedrag is betaalbaar in gelyke paaiemente oor 10 maande. ‘n Eenmalige betaling van R8 400 is ingestel indien die volle jaarbedrag voor 28 Februarie 2010 vereffen is.
2. WETLIKE AFDWINGBAARHEID VAN SKOOLGELDE
Die skool is nie as ‘n “geen skoolgelde skool” verklaar nie en skoolgelde is dus wetlik afdwingbaar. Ouers wat nie kwalifiseer vir kwytskelding van skoolgeld nie, word in terme van artikel 39 van die Suid-Afrikaanse Skolewet 84 van 1996 verantwoordelik gehou vir die betaal van skoolgeld. In terme van artikel 40 en 41 van die Suid Afrikaanse Skolewet, mag die Beheerliggaam hierdie verantwoordelikheid wetlik afdwing.
3. PROSEDURE VIR ALGEHELE OF GEDEELTELIKE VRYSTELLING VAN SKOOLGELDE
Om te kwalifiseer vir algehele of gedeeltelike vrystelling, word die ouers se gesamentlike jaarlikse bruto inkomste (punt 6.2 van die regulasie) as maatstaf gebruik.
Die aansoekvorm om vrystelling (wat slegs amptelik in Engels is) is beskikbaar by die finansiële kantoor en moet volledig voltooi word en persoonlik by die finansiële kantoor van die skool afgehaal en ingedien word.
Die Beheerliggaam sal binne dertig (30) dae na ontvangs van die aansoek, die inligting verwerk en ‘n besluit neem aan die hand van voorgeskrewe tabelle (punt 6.2(a) van die regulasie).
Ouers wat van hierdie opsie gebruik maak, het ook die reg om self die inligting met die Beheerliggaam of betrokke komitee te bespreek, of ‘n verteenwoordiger te benoem om dit namens hom/haar te doen.
Die Beheerliggaam het die verdere verantwoordelikheid om binne sewe (7) dae nadat die besluit oor vrystelling geneem is, dit skriftelik met die ouer te kommunikeer, asook redes te verstrek vir sodanige besluit.
Indien ‘n ouer nie kwalifiseer vir vrystelling nie, het die ouer die reg om binne dertig (30) dae na die besluit van die Beheerliggaam appél aan te teken en te rig aan die Onderwyshoof (WKOD) vir verdere oorweging.
4. INVUL VAN BYLAE A
Volgens bogenoemde regulasie, word van alle ouers verwag om Bylae A (slegs beskikbaar in Engels) vir elke leerder te voltooi, nadat u uself van die inligting in hierdie skrywe vergewis het. Leerders moet voltooide Bylae A-vorm teen Vrydag 12 Maart 2010, by hul klasonderwyser inhandig. ‘n Kopie sal na die Wes-Kaapse Onderwysdepartement gestuur word en u sal ‘n kopie ontvang. Die oorspronklike vorm sal by die skool geliaseer word. Dit is dus baie belangrik dat Bylae A so spoedig moontlik voltooi en na die skool teruggestuur word.
5. WAARDERING
Die ouergemeenskap word hiermee bedank vir u lojaliteit en ondersteuning aan die skool. Dankie aan al die ouers wat hul finansiële verantwoordelikheid aanvaar ter wille van die realisering van die skool se doelwitte.
Verlede jaar was ‘n uitdaging vir die skool rondom die invordering van skoolgelde. Vrystelling moet gefinansier word as ‘n uitgawe-item op die skool se jaarlikse begroting. Aansoek om vrystelling moet dus met groot omsigtigheid deur ouers hanteer word.
Vriendelik die uwe
J.C. Swart R. de Lange H. Boshoff
SKOOLHOOF VOORSITTER : BEHEERLIGGAAM TESOURIER : BEHEERLIGGAAM
ANNEXURE A
SOUTH AFRICAN SCHOOLS ACT, NO. 84 OF 1996
REGULATIONS FOR THE EXEMPTION OF PARENTS FROM PAYMENT OF SCHOOL FEES
CHECKLIST FORM *
(Mark with a cross in applicable box.)
|
1. |
Has the principal informed you about the amount of the annual school fees to be paid? |
YES |
NO |
|
|
2. |
Has the principal informed you that you are liable for the payment of school fees unless you are totally exempted from paying school fees? |
YES |
NO |
|
|
3. |
Has the principal informed you about your right to apply for exemption from paying school fees? |
YES |
NO |
|
|
4. |
Do you wish to apply for such exemption? |
YES |
NO |
|
|
5. |
Do you wish to be assisted in making such application? |
YES |
NO |
|
|
6. |
Has the principal provided you with the form (Annexure B) for application for exemption? |
YES |
NO |
|
|
|
|
|
|
|
_________________ _________________
Name of Principal Name of Parent
_________________ _________________
Signature of Principal Signature of Parent
Date: ____________ Date: ____________
School stamp: _________________
Name of Learner and Grade
* One copy of the signed form will be handed over to the parent, another will be submitted to the Head of Department or his or her delegate, and the original will be filed at the school.