Omsendbrief 13

Omsendbrief 13/2010                                                                                              4 Maart 2010

Geagte Ouer

DISSIPLINêRE STELSEL

U is reeds tydens ‘n vorige skrywe ingelig aangaande ons dissiplinêre stelsel.  Oortredings word volgens graad van erns gegroepeer en punte toegeken daaraan.  Werksverslae word huis toe gestuur ter insae van elke ouer/voog.  Indien die leerder ses punte opgestapel het, moet hy/sy ‘n detensieklas bywoon.

Detensie is dus die aksie wat geneem word nadat die leerder verskeie werksverslae ontvang het.  Die skool sien detensie as ‘n manier (die mees ernstigste behalwe ‘n dissiplinêre verhoor) waarop leerders gedissiplineer word en ons verwag dat u as ouers/voogde ons hierin sal ondersteun.  Dissipline moet uiteindelik lei tot selfdissipline en leerders moet hulself daaraan onderwerp.

1.                  PROBLEME WAT ONDERVIND WORD

Daar is in die verlede probleme met die detensiestelsel ondervind.  Hierdie probleme ontstaan a.g.v. die volgende:

• Leerders gee nie detensie-kennisgewings aan ouers nie

• Skool stuur wel ‘n SMS aan ouer op die Donderdag voor ‘n detensieklas, maar ouer/voog het dit nie ontvang nie

• Leerders verontagsaam detensieklas en bly net weg

• Ouers gaan weg vir naweek

• Buitemuurse aktiwiteite wat reeds lankal beplan is en wat volgens die ouer voorkeur moet geniet.

2.                  VERONTAGSAMING VAN DETENSIE/HERHAALDE DETENSIE

Die skool sien verontagsaming van ‘n detensieklas in ‘n baie ernstige lig en wil daarom die volgende stappe aan u deurgee:

• Leerders wat nie opdaag vir detensie nie, ontvang ‘n bykomende detensie (d.w.s. 6 punte)

• Indien betyds skriftelik verskoning gemaak word (sal net in uitsonderlike gevalle aanvaar word) deur ouer/voog, sal graadhoof sy/haar diskresie gebruik.  Die leerder sal dan outomaties die volgende detensieklas bywoon.  Slegs een verskoning word aanvaar.

• Indien ‘n leerder vir ‘n tweede keer detensieklas verontagsaam, moet die ouer/voog ‘n paneel bestaande uit die klasonderwyser/es, graadhoof en departementshoof kom spreek (dissiplinêre gesprek).

• Leerders wat drie detensies (18 punte) per kwartaal kry, se ouer/voog word ingeroep deur die graadhoof ten einde oorsake te bespreek.

• Indien hierdie optrede nie die gewenste resultate oplewer nie, word die geval na die beheerliggaam verwys vir ‘n dissiplinêre verhoor en u word dienooreenkomstig ingelig.

Vriendelik die uwe

(Mev.) L. Bester                                                         J.C. Swart

KURRIKULUMLEIER                                            SKOOLHOOF