Omsendbrief 11

Omsendbrief 11/2010                                                                                  24 Februarie 2010

Geagte Ouer/Voog

VEILIGHEIDSMAATREëLS

Vanaf Maandag 15 Februarie is toegang tot die skool (08:00 tot 15:30) slegs moontlik deur die hoofhek (beheerde toegang).

Ter wille van die veiligheid van alle leerders en die personeel by Laerskool Durbanville, versoek ons u vriendelik om te alle tye by die sekretaresse aan te meld wanneer u die skool besoek.  U sal dan ‘n besoekerskaartjie ontvang nadat u ingeteken het.

Besoekerskaartjies word na die besoek by die sekretaresse ingehandig.  Indien u die klerebank besoek, handig u u besoekerskaartjie daar in.

Hierdie maatreël word ingestel om te verseker dat ons weet wie die skool besoek en vir watter doel die betrokke persoon daar is.

Ons sal dit waardeer indien u ons in hierdie poging om die skool veiliger te maak, sal ondersteun.

SKAKELBORD EN KOMMUNIKASIE

Ons ervaar daagliks ‘n baie hoë getal oproepe na die skool.  Die sekretaresses van die skool wil graag die ouers behulpsaam wees.  Nogtans voel ons dat ons ‘n vriendelike beroep tot die ouers wil rig om die skool ook op hierdie gebied te ondersteun.

Ons bring die volgende onder u aandag:

• Alle skoolinligting word gereeld d.m.v. omsendbriewe aan die ouers gestuur.  Vergewis uself asseblief deeglik van die inhoud daarvan.

• Die jaarbeplanning word saam met die eerste omsendbrief van die jaar aan die ouers gestuur.  Bewaar dit vir latere verwysing.  Daar word bitter selde, indien enigsinds, daarvan afgewyk.

• Die webtuise en “School Communicator” op die internet is uiters handige bronne van inligting.  Raadpleeg dit voor u die skool skakel.

• SMS’e word gereeld gestuur.  Slaan ag op die inligting wat aan u gestuur word.

Indien u egter steeds die skool moet skakel, sal ons dit waardeer indien u van die verskillende telefoonopsies korrek gebruik sal maak om die oproep direk na die toepaslike persoon te kanaliseer:

Opsie 1          Finansiële kantoor

Opsie 2          Sportkantoor (Mnr. Roux)

Opsie 3          Die hoof se sekretaresse (Mev. Barnard)

Opsie 4          Mev. Horne

Opsie 5          Klerebank (Mev. Boehme)

Opsie 6          Algemene navrae

Ons bedank u by voorbaat dat ons op u hulp en ondersteuning in hierdie verband kan staatmaak.

Vriendelik die uwe

C.J. Fourie                                                                 J.C. Swart

ADJUNKHOOF                                                        SKOOLHOOF