LEERDERKOMITEES 2008 EN DAARNA
Die volgende besluite word bekragtig op ‘n dagbestuursvergadering soos gehou op 24 Oktober 2005 soos in opdrag van die Beheerliggaam.
1. Die verhouding van leerders in Gr. 6 (Engels en Afrikaans) word as riglyn gebruik vir die samestelling van leerderkomitees.
2. Daar word ten minste 50 leerders op die komitees benodig (hoofleiers uitgesluit) + 10 vir nuwe patrollie.
3. ‘n Minimum van 40% seunsverteenwoordiging sal as riglyn dien.
4. Die 4 hoofleiers sal nie deel uitmaak van die leerderkomitees nie, maar as ‘n aparte komitee (hoofleierkomitee) funksioneer. Dit laat die weg oop vir leerders wat as grensgevalle beskou word, om na konsultasie tussen die skoolhoof, sy dagbestuur en relevante onderwysers, bygevoeg te word tot die leerkomitees om te verseker dat die leerderkomitees prakties kan funksioneer.
5. Die leerderkomitee sal aangewys word nadat die leerders se stemme gelys is in ‘n numeriese rangorde. Die onderwysers en die Gr. 6-onderwysers se stemme word (afsonderlike ranglys) ook in ‘n numeriese rangorde geplaas waar die groslys gebruik word. Die laagste gemiddelde van dié drie rangordes word bepaal en is deurslaggewend. (Leerderstemme, onderwyserstemme en Gr. 6-onderwyserstemme dus.)
6. Hoofleiers: Onderwysers en Gr. 6-onderwysers het ‘n addisionele stem waar hulle stem vir leerders as hoofleiers. Die hoofleiers word bepaal volgens die gemiddelde rangordelys soos in nr. 5 genoem. (Sien ook nr. 8.)
7. Indien daar ‘n staking van stemme is, word die stemme wat die leerder as hoofleier verwerf het, in berekening gebring. (Die gemiddelde hoofleierstem van alle onderwysers dus.)
8. Daar sal 2 Afrikaanse + 2 Engelse leerders as hoofleiers aangewys word. (1 seun en 1 dogter van elke taalgroepering.)
9. ‘n Leerder moet in al drie stemgroeperings ‘n rangordeposisie bo die drempelkerf ontvang om te kwalifiseer as hoofleier of leier. ‘n Drempelwaarde sal deur die rekenaar volgens die rangordes bepaal word. Hierdie drempelwaarde kan en sal jaarliks verskil en sal aangedui word op die finale uitslag. Dit beteken leerders met hierdie waarde het nie ‘n stem in hierdie stemgroep ontvang nie. Die drempelwaardes in Afrikaans en Engels mag verskil a.g.v. hulle rangordes. Die bogenoemde prosedure word ook gevolg met die verkiesing van leerderkomiteelede met die opsie van konsultasie i.v.m. ‘n spesifieke uitslag.
10. Die hoofleiers sal tydens die Ons Eie Aand bekend gemaak word.
11. Die ideaal is om die leerderkomiteelede die oggend voor die prysuitdeling aan die Gr. 6-leerders bekend te maak. Indien nie, so spoedig moontlik daarna.
12. Geen leerders word op daardie stadium in spesifieke komitees ingedeel nie. Komitees sal na die seminaar op die eerste Saterdag van die skoolkwartaal in die daaropvolgende jaar deur die komiteeverteenwoordigers (onderwysers) bepaal word.
13. Daar word voorgestel dat die komitees die eerste saalbyeenkoms na genoemde seminaar in die daaropvolgende jaar aan die res van die leerders bekend gestel word. Ouers kan uitgenooi word na die instelling. Word jaarliks heroorweeg.
14. Die skoolhoof en die dagbestuur van die personeel mag die aantal leerders op die komitees aanvul met enkele leerders om te verseker dat komitees hulle pligte kan uitvoer en om verhoudings (Afrikaans/Engels, Seuns/Dogters) aan te spreek. Hierdie toevoeging moet gesien word tot voordeel van die skool en die groter prentjie waarin die skool in die gemeenskap staan.
15. Geen komiteelid (soos deur gemiddeldes uitgewys) sal deur die toevoeging van leerders benadeel of van die aanvanklike lys verwyder word nie.
16. Vir die ontwikkeling van komitees word voorgestel dat die komitees twee maal per kwartaal deur die onderwysers geëvalueer word.
17. Komiteeleerders sal ‘n gedragskode onderteken wat hulle verbind tot die ontwikkeling van leierskap.
18. Leerderkomiteelede kan hulle balkies verbeur indien hulle nie aan die gedragskode voldoen nie. Ander leerders sal dan die geleentheid gegee word. Die verantwoordelike kollegas sal verantwoordelik wees vir die intervensie en konsultasie met komiteeleerders alvorens hulle balkies aan ander leerders gegee word om die ontwikkelingsgeleenteid te benut. Die dagbestuur sal dit bekragtig.
19. Leerders kan in die daaropvolgende jaar gekoöpteer word indien hul leierseienskappe openbaar. Dagbestuur bekragtig.
20. Bogenoemde proses (rangordestelsel) word geïmplementeer met behulp van ‘n goedgekeurde rekenaarprogram. Sien Bylae A.
21. Sien nr. 6. ‘n Leerder moet in ten minste elk van die kategorieë een stem behaal het, d.w.s. ‘n stem in leerder-, Graad 5/6/7-onderwyser- en Gr. 6-onderwyser-kategorie. Dit sal ‘n regverdige gemiddelde rangorde verseker.
22. Indien ‘n leerder nie ‘n stem in elke kategorie het nie, word sodanige leerders op die gemiddelde rangorde met ‘n ? aangedui.
23. Leerderraad- en komiteeverkiesing: Vanaf 2007 word 20 leerders aangewys en verkies tot ‘n leerderraad. Hierdie leerders word verkies en dien op die leerderraad vir ‘n hele kalenderjaar. Dieselfde persentasie indeling vir Afrikaans en Engels (sien nr. 1 en nr. 3) geld vir die verkiesing tot die leerderraad. Sien ook punt 5 vir riglyne t.o.v. rangordebepaling.
24. Die leerderraad sal uit 20 lede bestaan. Skolierpatrollie x 4; terreinkomitee x 4; terwyl al die ander lede gelykop tussen die ander bestaande komitees opgedeel sal word.
25. Daar sal 7 komitees wees, nl.:
· Skolierpatrollie (Van der Byllaan)
· Skolierpatrollie (Weyerslaan)
· Sosiaal
· Kultuur
· Media
· Bemarking
· Sport
· Hoofleiers
26. Die duikwegkomitee val weg en word in die terreinkomitee opgeneem. Hierdie komitee sal roteer.
27. Die terreinkomitee sal deur vier onderwysers gedurende pouses bygestaan word. ‘n Onderwyser elk vir die Gr. 4-, 5-, 6- en 7-speelgrondareas. Komiteelede aan diens sal enige gebeurlikhede aan daardie spesifieke onderwyser aan diens rapporteer.
28. ‘n Leerder moet in ten minste twee van die drie stemkategorieë stemme verwerf om tot die leerderkomitee en leerderraad verkies te word (regverdige gemiddelde rangordeposisie).
29. Komiteelede word vir ‘n minimum van ‘n semester verkies. Aan die einde van die eerste semester sal daar weer ‘n rangorde bepaal word nadat die onderwysers en Gr. 7-onderwysers weer die leerders evalueer. Die onderwyser aan die hoof van die leerderkomiteeportefeulje hanteer die evaluering in samewerking met die rekenaaronderwyser.
30. ‘n Faktor sal aan elke stem toegeken word om die rangorde te bepaal, nl.:
· Onderwyser = Faktor 1
· Gr. 7-onderwyser = Faktor 2
· Skakelonderwyser = Faktor 3
31. ‘n Onderwyser kan net in een van die genoemde kategorieë val. Die kategorie met die hoogste faktor se telling (t.o.v. die onderwyser) sal in aanmerking vir die rangorde gebring word.
32. Die komitees sal na ‘n semester met tussen 20%-50% vervang word, veral in die terrein- en skolierpatrolliekomitees. Sodoende word die geleentheid vir alle Gr. 7-leerders geskep om tot ‘n komitee verkies te word.
33. Indien daar ‘n staking van stemme is, sal ‘n paneel bestaande uit die skoolhoof, dagbestuur, Gr. 6-onderwysers en leerderhoofde i.v.m. die uitslag konsulteer.
34. Voltydse onderwysers en die skoolhoof is die enigste persone wat mag stem. Hulle vorm die kieskollege en alle opvoeders wat op die betaalstaat is, sal stemreg hê, uitgesluit leerkragte op ‘n tydelike basis wat vir alle Gr. 6-klasse onderrig.
35. Daar sal een middag as kiesdatum aangewys word waar die kieskollege sal stem. Almal moet stem.