HERWINNING

Organiseerder: Ilze Rossouw
Kolleksies: Donderdae

Die herwinningsprojek poog om ons leerders bewus te maak van die groot rol wat herwinning, wêreldwyd, in die bewaring van natuurlike hulpbronne speel. Benewens die opvoedkundige waarde, verminder papierherwinning vullisverwyderingskostes en word deur alle munisipaliteite ondersteun. 17 Dennebome word gespaar vir elke ton papier wat herwin word. Die laer produksiekoste van die herwinningsproses verskaf goedkoper papier aan die verbruiker, beperk die aantal terreine wat vir stortingsdoeleindes gebruik word en verminder omgewingsbesoedeling deur papier.

TIPE PAPIER
Koerante, tydskrifte, wit telefoongidse, ontbytgraan-dosies en kantoorpapier word in die papierbank geplaas sodat dit droog kan bly. Kartondose, fakspapier en geel telefoongidse kan nie vir herwinning gebruik word nie. Die fondse wat deur middel van herwinning ingesamel word, word vanjaar aangewend om audio-visuele toerusting soos televisiestelle, CD-spelers en videomasjiene vir die skool aan te koop.