Daar is voltydse berading dienste by Laerskool Durbanville beskikbaar. Daar is ‘n Geselskamer ingerig wat deur ‘n Geregistreerde Berader (HPCSA) beman word. Daar is geen onkostes daaraan verbonde om van haar dienste gebruik te maak nie.
Die berader reël met die klasonderwyser wanneer sy die leerder kan sien binne skoolure. Ons probeer ‘n geskikte tyd vind waarin die leerder nie akademiese werk sal mis nie.
Daar word ook ‘n toestemmingsbrief uitgestuur wat die ouer/voog moet teken om toestemming te gee dat die leerder gereeld met die berader kan gesels. Dus sal die ouers daarvan kennis dra indien ‘n leerder deur die berader gesien word. Sy kry ook van tyd tot tyd die ouers van ‘n leerder in waar die situasie rondom die leerder bespreek word en terugvoer verskaf word.
Die berader verwys ook indien nodig na OBOS se Skoolsielkundige of die betrokke Maatskaplike Werker. Daar word ook verwys na Bellcare se maatskaplike werker indien daar ‘n tuis besoek gedoen moet word.
Kontak besonderhede:
Jana Goosen (Geregistreerde berader – HPCSA)
021 976 8115